Ineqarnermut Attaveqaasersuutinullu Naalakkersuisoqarfimmiit kanat.gl-ip Kalaallit Nunaanni attaveqaasersuutit pillugit ilisimasanik attuumassutilinnik katersuiffittut ilusilerneqarnissaa kissaatigineqarpoq. Taamaattumik Naalakkersuisoqarfiup allat nalunaarusiaasa nittartakkamut matumunnga ikkunneqartarnissaat kissaatigaa.
Allakkiat tunngavissanik ukuninnga naammassinniffiunissaat piumasaqaataavoq:
- Nalunaarusiaq kanat.gl-imi sammisanit ataaseq amerlanerusulluunniit pillugit misissueqqissaarnernik imaqassaaq.
- Kina suliaqarnermi imaanut akisussaasuunersoq ersarissumik allassimassaaq.
- Nalunaarusiamut pisinnaatitaaffimmik pigisaqartoq allakkap kanat.gl-ikkut tamanut ammasumik saqqummiunneqarnissaanut akuersisimassaaq.
- Nalunaarusiaq PDF-inngorlugu nassiunneqassaaq.
Ineqarnermut Attaveqaasersuutinullu Naalakkersuisoqarfimmiit pingaartumik nalunaarusiat, Kalaallit Nunaanni pisortanit oqartussaasunit kalaallisut danskisullu nassiussat tamanut ammasumik saqqummiunneqartassapput. Nalunaarusiat allat, soorlu ilisimatusarfinnit, soqutigisaqaqatigiiffinnit il.il. nassiussat aamma soqutiginaateqarsinnaapput.
Naalakkersuisoqarfik nalunaarusiaq tamanut ammasumik saqqummiunneqarsinnaanersoq naliliinissamut imminut pisinnaatippoq. Tassungalu nalunaarusiap pitsaassusia, imaata naleqqunnera aammalu nalunaarusiap kalaallisut danskisullu nassiunneqarsimanissaa ilaatinneqarput.
Naalakkersuisoqarfimmiit allakkat, ersarissumik salluliorfiusut, ersarissumik tillitaasut, najoqqutarisanik saqqummiussiffiunngitsut, uumissuinertallit imaluunniit tamat oqallinnerinik sangutitsisinnaasutut isumaqarfigineqartariaqartut assingusut paasissutissiinerlunnissamullu tunngaviliisinnaasut itigartinneqartassapput.
Ineqarnermut Attaveqaasersuutinullu Naalakkersuisoqarfimmiit allakkat nassiussat imaat akisussaaffigineqassanngillat, aammalu allakkat nassiunneqartut nutsertinneqartassanngillat.
Allakkat uunga nassiunneqarsinnaapput: box909@nanoq.gl.