Umiarsualiviit

Kalaallit Nunaanni umiarsualiveqarpoq Namminersorlutik Oqartussanit, aktiaateqarluni ingerlatseqatigiiffimmiit Sikukimit Namminersorlutik Oqartussanit pigineqartumiit, kommuniniit, Illersornissaqarfimmiit, Polaroil-imiit namminersortuniillu pigineqartunik.

Namminersorlutik Oqartussat illoqarfinni nunaqarfinnilu umiarsualivinnik amerlanertigut pisigisaqarput. Umiarsualivinni taakkunani inoqarfinnut taakkununnga imaatigut angallassinerit tapersersortarnissaat pingaarnertut anguniagaavoq. Namminersorlutik Oqartussat umiarsualiviutaat attaveqaasersuutinut oqartussaqarfimmiit aqunneqarput. Namminersorlutik Oqartussat qitiusumik umiarsualivinnut oqartussaapput, najukkamilu umiarsualivinnut oqartussaanerup isumaginissaa pillugu aalajangersakkanik aalajangersaasinnaallutik.

Qitiusumik umiarsualivinnut oqartussaaffik Namminersorlutik Oqartussat umiarsualiviinut najukkami umiarsualivinnut oqartussaasumiit atorsinnaasumiit isumagineqarnissaa pillugu isumaqatigiissusiorsimavoq.

• Royal Arctic Line A/S umiarsualivinni anginerpaani 12-iusuni umiarsualivinnut najukkami atorsinnaalluni oqartussaasuuvoq.

• Sikuki Nuuk Harbour A/S Nuummi Kangerlussuarmilu najukkami atorsinnaalluni umiarsualivinnut oqartussaavoq.

• KNI Pilersuisoq A/S illoqarfinni umiarsualivinni aamma nunaqarfinni umiarsualivinni amerlanerpaani najukkami atorsinnaalluni umiarsualivinnut oqartussaavoq.
  Mittarfeqarfiit Narsarsuarmi atorsinnaalluni najukkami umiarsualivinnut oqartussaapput.

Kommunini oqartussat kommunini umiarsualiveqarfiit nakkutiginissaannik iluarsartarnissaannillu isumagisaqarput, soorlu assersuutigalugu umiarsualiviit mikinerit niusarfiillu puttasut aalisartut ulluinnarni atortagaat.

Umiarsualiviit umiarsuarnik nunanit allaneersunik nunanullu allamukartussanik tikiffigineqartartut sillimaniarnissamut malittarisassanik immikkut ittunik (ISPS-mut malittarisassat) malitassaqarsinnaapput.

Malittarisassani tamakkunani ilaatigut umiarsualiviit assiaqusersornissaat aamma inuit kikkut umiarsualivimmiissinnaanerannut killeqartitsinissat pillugit piumasaqaateqartoqarpoq.

Nittartakkanut iserfissat

• Umiarsualiviit pillugit Inatsisartut Inatsisaat

• Imarsiorneq umiarsualiviillu pillugit nalunaarusiat

•  Aftale om drift af Selvstyrets havneanlæg samt funktionel udøvelse af lokal havnemyndighed 1. januar 2020 til 31. december 2020 mellem Grønlands Selvstyrel og Royal Arctic Line A/S  (Kalaallisoortaqanngilaq)

• Aftale om drift af Selvstyrets havneanlæg samt funktionel udøvelse af lokal havnemyndighed mellem Grønlands Selvstyre og KNI A/S (Kalaallisoortaqanngilaq)

• Mittarfeqarfiit Aftale om havnedrift i Kangerlussuaq og Narsarsuaq (Kalaallisoortaqanngilaq)