KANAT-imi Kalaallit Nunaata Attaveqaasersuutaat pineqarput (Grønlands Infrastruktur). Tamanna Angallanneq pillugu Isumalioqatigiissitap nittartagaanik ingerlatitseqqiineruvoq. Angallanneq pillugu Isumalioqatigiissitap nittartagaa isumalioqatigiissitap isumaliutissiissutaanik nalunaarusiaanillu isumalioqatigiissitap sulineranut ilaasunik imaqarsimavoq. Naak 2011-p kingorna isumalioqatigiissitap sulinera tunngavigalugu suliniutinik aallartitsisoqarsimagaluartoq kiisalu nalunaarusianik nutaanik suliaqartoqarsimagaluartoq nittartagaq nutarteriffigineqarsimanngilaq.
Quppernermi matumani nalunaarusiat Angallanneq pillugu Isumalioqatigiissitamut suliarineqartut aamma Kalaallit Nunaanni attaveqaasersuutit pillugit nalunaarusiat pilersimasut nassaarissallugit periarfissaavoq.
Nittartagaq manna Ineqarnermut Attaveqaasersuutinullu Naalakkersuisoqarfimmi Attaveqaasersuutinut Immikkoortortaqarfimmiit isumagineqarpoq. Attaveqaasersuutit pillugit nalunaarusiamik naalakkersuisoqarfimmut naalakkersuisoqarfimmilluunniit suliarineqartumut Naalakkersuisoqarfik tamanut saqqummiussiniarpoq.
Nittartakkap Kalaallit Nunaanni attaveqaasersuutinut isumalluutinngornissaa naalakkersuisoqarfimmiit siunertarineqarpoq. Taamaammat sullissisut allat nalunaarusiaat Kalaallit Nunaanni attaveqaasersuutinut soqutiginaateqarsinnaasut Naalakkersuisoqarfiup saqqummiukkusussinnaavai.