Kommuni pineqartoq kommunip killeqarfiata iluani sanaartorfiusimasuni aqqusinernut akisussaavoq. Akisussaaffimmi tassani aqquserngit nutaat pilersaarusiorfiginissaat sanaartornissaallu aamma aqquserngit pioreersut ingerlannissaat iluarsartarnissaallu pineqarput.
Sanaartorfiusut avataanni aqquserngit pilersaarusiorfiginissaannut, sanaartornissaannut iluarsartarnissaannullu akisussaaffik suli nassuiaaffigineqanngilaq. Taamaattorli kommunimi savaatillit aqqusernginut Kommune Kujalleq Nunatta Karsianit aningaasanik tunineqartarpoq, tamannalu isumaqarpoq kommuni aqqusinernut taakkununnga akisussaasasoq.
2023-mi upernaakkut ataatsimiinnermi imm. 108-p Inatsisartunit akuerineqarnerani Inatsisartut aalajangersimapput aqquserngit pillugit inatsimmik nutaamik suliaqartoqassasoq, inatsimmilu tunngavissanut apeqqutit aamma akisussaanerup Namminersorlutik Oqartussat kommunillu akornanni avinneqarnissaa qulaajarneqassapput.
Nittartakkanut iserfissat
- Aqquserngit angallannerillu pillugit nalunaarusiat
- Sanaartorfigissaaneq, pisortat kuuffeqarfinnut aqqusersuutaat aamma pisortat aqqusiniutaat pillugit Inatsisartut inatsisaat